Лінкі ўнівэрсальнага доступу

Ужо сёньня: 80 год з дня сьмерці Рамана Скірмунта


Раман Скірмунт, ілюстрацыя Радыё Свабода

Падзеі 7 кастрычніка ў беларускай і сусьветнай гісторыі.

Дата дня

7 кастрычніка 1939 году пасьля заняцьця Заходняй Беларусі савецкімі войскамі мясцовыя жыхары маёнтку Парэчча на Піншчыне забілі на загад савецкага камісара Холадава Рамана Скірмунта, беларускага і польскага грамадзка-палітычнага дзеяча.

Таксама ў гэты дзень

1897 — у Вільні стварылі «Бунд» — агульны габрэйскі рабочы саюз у Літве, Польшчы і Расеі. «Бунд» быў пралетарскай і адначасова нацыянальнай габрэйскай арганізацыяй. Ужо праз паўгода пасьля яго стварэньня ў Менску пры садзеяньні «Бунду» пройдзе першы зьезд РСДРП, у склад якой «Бунд» увойдзе аўтаномнай часткай.

1977 — ухвалілі апошнюю Канстытуцыю СССР.

2001 — пачаліся амэрыканскія паветраныя ўдары па базах Усамы бін Лядэна ў Аўганістане.

2002 — камітэт па адукацыі, навуцы і культуры Сойму Літвы прыняў пастанову аб аднаўленьні ў Вільні дзейнасьці Беларускага музэю імя Івана Луцкевіча.

У гэты дзень нарадзіліся

1765 — Міхал Клеафас Агінскі, дзяржаўны дзеяч Рэчы Паспалітай, дыплямат, кампазытар.

1788 — Іван Насовіч, беларускі мовазнавец-лексыкограф, фальклярыст, этнограф, аўтар «Слоўніка беларускай мовы», апублікаванага ў 1870 годзе. Апроч гэтага слоўніка, Насовіч выдаў зборнікі народных песень, прыказак і загадак.

1885 — Нільс Бор, дацкі фізык, ляўрэат Нобэлеўскай прэміі.

1931 — Дэсманд Туту, біскуп з Паўднёваафрыканскай рэспублікі, ляўрэат Нобэлеўскай прэміі міру.

1932 — Іван Пташнікаў, беларускі пісьменьнік. Сярод найбольш вядомых твораў — апавяданьні «Львы», «Арчыбал», «Пагоня», аповесьці «Лонва», «Тартак», «Найдорф», раманы «Мсьціжы» і «Алімпіяда».

У памяці

1849 — Эдгар Алан По, амэрыканскі паэт, празаік, эсэіст, адна з вядучых постацяў амэрыканскага Рамантызму. Яго называюць пачынальнікам дэтэктыўнага жанру.

2006 — за прафэсійную дзейнасьць забілі расейскую журналістку Ганну Паліткоўскую.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG