Лінкі ўнівэрсальнага доступу

Мільярд чалавек з Афрыкі будуць шукаць лепшага жыцьця на поўначы, — Біл Гейтс


Уцекачы ў Эўразьвязе

Амэрыканскі мільярдэр і філянтроп, былы кіраўнік кампаніі Microsoft, Біл Гейтс заявіў у інтэрвію нямецкаму выданьню Welt, што зьмены клімату прымусяць мільярд жыхароў Афрыкі шукаць лепшага жыцьця на Поўначы.

Фундацыя Біла і Мэлінды Гейтсаў дзейнічае ў Афрыцы і ад пачатку сваёй працы, як сьцьвярджаюць Гейтсы, ім удалося ўратаваць ад сьмерці 26 млн. чалавек. Фундацыя змагаецца з эпідэміяй СНІД, малярыяй і сухотамі.

Біл Гейтс
Біл Гейтс

Паводле Біла Гейтса, вырашаць праблемы насельніцтва Афрыкі перашкаджаюць зьмены клімату.

— У Афрыцы, бедных краінах на поўдзень ад Сахары, каля 40% дзяцей галадаюць. Вельмі часта іхныя бацькі — гэта звычайныя сяляне. Іх каля 700 млн чалавек. У 2040 годзе гэтыя людзі перажывуць удвая больш пэрыядаў неўраджаю, чым сёньня, менавіта з прычыны экстрэмальных зьяваў надвор'я.

У наступныя гады, лічыць Гейтс, празь зьмены клімату іх ураджаі будуць значна меншымі. Афрыка найбольш жорстка адчуе наступствы зьмены клімату, хоць яна найменш спрычыняецца да таго, што ён мяняецца.

— У самай беднай частцы Афрыкі жыве сёньня амаль мільярд чалавек. У канцы стагодзьдзя іх будзе 3 мільярды. Немагчыма, каб усе яны трапілі ў разьвітыя краіны. Таму мы мусім палепшыць іхныя ўмовы жыцьця там, дзе яны жывуць. Калі нам удасца гэта зрабіць, то, магчыма, мы здолеем захаваць status quo на Зямлі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG