Лінкі ўнівэрсальнага доступу

У Лідзе адкрылася першая ў Беларусі інклюзіўная веладарожка. ФОТА


Адкрыцьцё першай у Беларусі інклюзіўнай веладарожкі
Адкрыцьцё першай у Беларусі інклюзіўнай веладарожкі

У Лідзе 12 верасьня адбылося афіцыйнае адкрыцьцё першай у Беларусі інклюзіўнай веладарожкі працягласьцю каля 10 км. Як паведаміла БелаПАН прэс-служба ПРААН у Беларусі, дарожка даступная для веласіпедыстаў усіх узростаў і фізычных магчымасьцяў і праходзіць праз асноўныя славутасьці Ліды.

Дарожка разьлічаная як на традыцыйныя ровары, так і на спэцыяльныя мадэлі з ручным кіраваньнем і электрычныя прыстаўкі да інвалідных калясак, якія адаптаваныя пад патрэбы і фізычныя магчымасьці людзей з інваліднасьцю.

Фінансаваньне ініцыятывы склала 236 тысяч долараў ЗША ў межах праграмы разьвіцьця Міністэрства замежных спраў Польшчы «Польская дапамога».

На спэцыяльна спраектаваных участках дарожкі можна таксама камфортна катацца на самакатах, роліках і нават на ролерных лыжах. Па ўсім шляху ўстаноўленыя дарожныя знакі, нанесеная разьметка, абсталяваныя велапаркоўкі, а таксама будуць пабудаваныя дзьве спартыўныя (воркаўт) пляцоўкі, на якіх могуць займацца і людзі з інваліднасьцю.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG