Лінкі ўнівэрсальнага доступу

Лукашэнка прызначыў менскага чыноўніка ў Салігорск. Ягоных папярэднікаў затрымалі


Андрэй Жайловіч (зьлева), архіўнае фота

Кіраўнік краіны Аляксандар Лукашэнка прызначыў менскага чыноўніка Андрэя Жайловіча новым старшынём Салігорскага райвыканкаму. Двух ягоных папярэднікаў затрымалі праз падазрэньне ў карупцыі.

Андрэй Жайловіч займаў пасаду кіраўніка адміністрацыі Маскоўскага раёну Менску з 2017 году.

У чэрвені сёлета стала вядома, што супраць ранейшага старшыні Салігорскага райвыканкаму Алега Паскробкі Сьледчы камітэт пачаў крымінальную справу, яго падазраюць у карупцыі.

Чыноўніка затрымалі 17 чэрвеня ў будынку Менскага аблвыканкаму, куды ён прыехаў у службовую выправу.

Дзеяньні затрыманага кваліфікуюць як перавышэньне службовых паўнамоцтваў. Паводле сьледчых, яны мелі месца на папярэдняй працы Паскробкі. У 2015–2017 гадах ён працаваў першым намесьнікам міністра жыльлёва-камунальнай гаспадаркі.

Старшынём Салігорскага райвыканкаму Паскробку прызначылі 10 жніўня 2017 году. На гэтай пасадзе ён зьмяніў затрыманага праз падазрэньне ў атрыманьні хабару Аляксандра Рымашэўскага.

Да сёньня абавязкі старшыні Салігорскага райвыканкаму выконваў Дзьмітры Цярлецкі, аднак на афіцыйным сайце райвыканкаму кіраўніком усё яшчэ пазначаны Алег Паскробка.

Сайт Салігорскага райвыканкаму, 12 верасьня 2019
Сайт Салігорскага райвыканкаму, 12 верасьня 2019

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG