Лінкі ўнівэрсальнага доступу

Больш за 14 тысяч кіроўцаў пакараныя за адсутнасьць тэхагляду аўтамабіля 


Праверка дакумэнтаў інспэктарамі ДАІ

Па выніках дэкады «Дзяржтэхагляд» 10–17 жніўня да адказнасьці прыцягнута больш за 14 000 кіроўцаў, амаль кожны трэці — паўторна. Пра гэта паведамляе сайт Упраўленьня Дзяржаўтаінспэкцыі МУС Беларусі.

Больш за ўсё транспарту без тэхагляду інспэктары выявілі ў Менскай і Віцебскай абласьцях, а таксама ў сталіцы.

Паводле афіцыйнай статыстыкі, штогод колькасьць удзельнікаў дарожнага руху без тэхагляду павялічваецца на 10%. Як мяркуюць экспэрты, шмат у чым на такую сытуацыю паўплывала ўвядзеньне так званага дарожнага збору, у сярэднім каля 200 рублёў на год — некаторыя ўладальнікі аўтатранспарту лічаць сумы збору завышанымі і адмаўляюцца плаціць.

Згодна з Адміністрацыйным кодэксам, за адсутнасьць тэхагляду караюць штрафам ад адной (25,5 рубля) да трох базавых велічынь, за паўторнае парушэньне — да пяці базавых велічынь.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG