Уначы 4 жніўня ў менскім Dana Mall адбылося ўзгараньне ўключанай у разетку фрыцюрніцы. Здарэньне адбылося на трэцім паверсе гандлёвага цэнтру ў кавярні «Мама дома», піша БелТА.
Надзвычайнае здарэньне ліквідаваў дзяжурны пэрсанал зь мінімальнымі наступствамі. Пацярпелых не было. Прычына ўзгараньня высьвятляецца. Папярэдняя вэрсія — парушэньне правілаў эксплуатацыі электраабсталяваньня: повар забыўся выключыць фрыцюрніцу.