Лінкі ўнівэрсальнага доступу

Сцэнарыст «Чарнобылю» хоча вярнуць выразаную з сэрыялу менскую сцэну


Сцэна з сэрыялу

Крэйг Мазін, сцэнарыст сэрыялу НВО «Чарнобыль» у інтэрвію The Hollywood Reporter расказаў пра дадатковую сцэну, якая была зьнятая, але не ўвайшла ў канчатковы варыянт фільма. Гутарка йдзе пра Менск.

— Адну сцэну мы выразалі з-за абмежаваньняў хронамэтражу, і мне б вельмі хацелася ўставіць яе назад. У другой сэрыі пэрсанаж Эмілі Ўотсан прыходзіць да партыйнага функцыянэра, які кажа ёй, што ніякай праблемы няма.

У наступнай сцэне мы бачым, як гэты чыноўнік гаворыць па тэлефоне і просіць партыйнае кіраўніцтва дазволіць яму адмяніць першамайскую дэманстрацыю ў Менску праз радыяцыю, але яны яму не дазваляюць. Ён нічога ня можа зрабіць, і ў выніку мусіць удзельнічаць у парадзе сам. Гэтая глава ў гісторыі Чарнобылю абсалютна праўдзівая. Кіеў і Менск правялі 1 траўня парады, дзе людзі, уключна зь дзецьмі, маршыравалі па вуліцах, ня ведаючы, што чатыры дні таму адбыўся радёактыўны выкід, — кажа сцэнарыст сэырялу.

Гэтая сцэна, паводле Крэйга Мазіна, не ўвайшла ў канчатковы мантаж з прычыны абмежаваньняў хранамэтражу.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG