Лінкі ўнівэрсальнага доступу

Беларусы будуць атрымліваць «эстонскую» пэнсію, эстонцы — «беларускую»


Ілюстрацыйнае фота. Мазырскія пэнсіянэркі
Ілюстрацыйнае фота. Мазырскія пэнсіянэркі

Беларусь і Эстонія правялі ўсе ўнутрыдзяржаўныя працэдуры, неабходныя для таго, каб дамова аб сацыяльным забесьпячэньні жыхароў абедзьвюх краін уступіла ў сілу.

31 ліпеня тэкст дамовы афіцыйна апублікаваны на Нацыянальным прававым інтэрнэт-партале Рэспублікі Беларусь.

Дамову падпісалі ў сьнежні 2018 году. Потым яе ратыфікавалі парлямэнты. І Беларусь, і Эстонія прызначае і выплачвае працоўную пэнсію на падставе працоўнага стажу, назапашанага на яе тэрыторыі. Гэта азначае, што беларусы, якія раней працавалі ў Эстоніі, а пасьля выйшлі на пэнсію, будуць атрымліваць сваю частку пэнсіі за гэты час. Такія ж умовы створаны і для грамадзян Эстоніі, якія перад выхадам на пэнсію працавалі ў Беларусі.

Дамовы пра «экспарт» пэнсій Беларусь пакуль мае зь Літвой (падпісана ў 1999 годзе), Расеяй (2006), Латвіяй (2008), Азэрбайджанам (2014), Чэхіяй (2018). Падпісаная, але пакуль не ратыфікаваная, і дамова з Польшчай.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG