Лінкі ўнівэрсальнага доступу

Больш за 1300 мірных жыхароў Аўганістану загінулі ў першай палове 2019 году


Ілюстрацыйнае фота. Аўганскія цесьляры рыхтуюць труны для продажу. Кабул, 29 ліпеня 2019 году

За першыя шэсьць месяцаў 2019 году было забіта больш за 1300 аўганцаў, яшчэ 2466 атрымалі раненьні. Пра гэта паведаміла Місія дапамогі Арганізацыі Аб’яднаных Нацый у Аўганістане (UNAMA) 30 ліпеня.

Паводле дадзеных ААН, большасьць аўганцаў былі забітыя ў выніку набегаў і сутычак, далей ідуць ахвяры самаробных бомбаў і авіяўдараў. 52% сталі ахвярамі дзеяньняў талібаў і іншых ісламісцкіх груповак. Праўладнымі сіламі забітыя 717 чалавек і 680 параненыя, што на 31% больш за аналягічны пэрыяд мінулага году, паведамляе ААН.

Сярод загінулых — 327 дзяцей, 880 атрымалі раненьні. Таксама за першыя паўгода загінулі 144 жанчыны, 286 атрымалі раненьні.

Цяпер радыкальны рух «Талібан» кантралюе ці імкнецца кантраляваць больш за палову краіны, найбольшую тэрыторыю з пачатку ў Афганістане апэрацыі пад кіраўніцтвам ЗША ў 2001 годзе.

Урадавыя сілы Аўганістану самастойна супрацьстаяць групоўкам талібаў пасьля вываду большасьці войскаў NATO ў 2014 годзе. У краіне застаецца каля 16 тысяч вайскоўцаў Паўночнаатлянтычнага альянсу.

Апошнія дадзеныя аб стратах сярод цывільнага насельніцтва былі апублікаваныя на фоне жаданьня Вашынгтона спыніць 18-гадовую вайну з ісламісцкімі групоўкамі. ЗША хочуць падпісаць мірны пакт да 1 верасьня — перад прэзыдэнцкімі выбарамі ў Аўганістане, якия прызначаныя на 28 верасьня.

20 сьнежня 2018 году стала вядома аб намерах амэрыканскага прэзыдэнта Дональда Трампа вывесьці ў недалёкай будучыні з Аўганістану ня менш за пяць тысяч вайскоўцаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG