Лінкі ўнівэрсальнага доступу

Былога галоўнага інжынэра «Бабушкінай крынкі» асудзілі на 10 гадоў за крадзяжы


Ілюстрацыйнае фота Shutterstock

Суд Кастрычніцкага раёну Магілёва вынес прысуд па крымінальнай справе супраць былога галоўнага інжынэра ААТ «Бабушкіна крынка» і дваіх заснавальнікаў іншых юрыдычных асоб, піша БелТА.

Фігуранты завалодалі грашыма «Бабушкінай крынкі» больш як на 417 тысяч рублёў.

Былога галоўнага інжынэра асудзілі на 10 гадоў калёніі ўзмоцненага рэжыму, яго знаёмага — на 7 гадоў, жонку — на 6 гадоў пазбаўленьня волі. Усіх асуджаных пазбавілі права займаць пэўныя пасады.

Паводле суду, галоўны інжынэр, жадаючы незаконна ўзбагаціцца за кошт прадпрыемства, дзейнічаў у складзе арганізаванай злачыннай групы са сваім знаёмым і жонкай з кастрычніка 2013 па люты 2017 году. Тыя былі заснавальнікамі і кіраўнікамі падкантрольных субʼектаў гаспадараньня, зарэгістраваных выключна каб зьдзейсьніць злачынства. Абвінавачаныя пастаўлялі ў ААТ разнастайныя тавары па цэнах, неабгрунтавана завышаных адносна цэнаў добрасумленных пастаўшчыкоў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG