Лінкі ўнівэрсальнага доступу

Сустрэчу са Статкевічам у Пінску спрабаваў сарваць мужчына, пераапрануты ў мэдсястру


Мікола Статкевіч і ягоныя паплечнікі на акцыі ўскладаньня кветак савецкім салдатам у Менску, 3 ліпеня 2019 году

Старшыня беларускай сацыял-дэмакратычнай партыі «Народная Грамада» Мікалай Статкевіч правёў сустрэчу з жыхарамі Пінску. Аднак, яе спрабавалі сарваць двое мужчын: адзін зь іх быў у парыку, апрануты ў мэдычны халат, і без штаноў.

Сустрэча са Статкевічам у Пінску павінна была прайсьці на пляцоўцы ля адной з праваслаўных цэркваў гораду: у месцы, адведзеным для масавых мерапрыемстваў. Аднак уваход на пляцоўку аказаўся перакрытым міліцэйскімі агароджамі, «нягледзячы на папярэднюю дамоўленасьць», як паведамляе «Народная Грамада».

Сустрэча пачалася на вуліцы, куды неўзабаве пад’ехаў мікрааўтобус. З двух мужчын, што выйшлі зь яго, адзін быў пераапрануты жанчынай у белым халаце. Паводле «Народнай Грамады», яны хуліганілі і брыдкасловілі, аднак іх адціснулі ўбок і ўсё ж правялі сустрэчу зь Мікалаем Статкевічам.

«Мы разумеем імкненьне беларускага рэжыму спадабацца Эўропе. Але мы не чакалі, што пінскія „праваахоўнікі“ зойдуць па шляху талерантнасьці настолькі далёка», — камэнтуе інцыдэнт «Народная Грамада» на сваёй старонцы ў Фэйсбуку.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG