Лінкі ўнівэрсальнага доступу

Новы прэзыдэнт Латвіі чакае Лукашэнку зь візытам


Міністар замежных спраў Латвіі Эдгарс Рынкевічс

Міністар замежных спраў Латвіі Эдгарс Рынкевічс заявіў Свабодзе, што запрашэньне кіраўніку Беларусі наведаць Латвію, перададзенае два гады таму, дагэтуль актуальнае.

«Так, за гэты час у Латвіі адбыліся прэзыдэнцкія выбары, у нас новы кіраўнік дзяржавы, але тое запрашэньне ня страціла сілу, — адзначыў міністар. — Мы чакаем вашага прэзыдэнта ў Латвіі».

Ягоны беларускі калега Ўладзімер Макей са свайго боку пацьвердзіў, што такі візыт рыхтуецца. Ён не адбыўся раней з прычыны падрыхтоўкі вялікага пакета дакумэнтаў, якія плянуецца падпісаць на найвышэйшым узроўні.

Уладзімер Макей
Уладзімер Макей

«Хацелася б, каб падчас наведваньня Аляксандрам Лукашэнкам Рыгі былі падпісаныя стратэгічныя дамоўленасьці, найперш у сфэры гандлёва-эканамічных стасункаў. Мы зацікаўленыя ў партнэрскіх сувязях, якія тычацца транспарту і лягістыкі. Частка нашых грузаў ужо ідзе праз латвійскія порты, але думаем, што гэтыя магчымасьці далёка ня выкарыстаныя», — сказаў Уладзімер Макей.

Міністар замежных спраў Латвіі Эдгарс Рынкевічс знаходзіцца ў Менску з трохдзённым працоўным візытам.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG