Андрусь Архіпенка, адзін з арганізатараў кампаніі за ўшанаваньне памяці пісьменьніка Алеся Адамовіча на яго малой радзіме ў пасёлку Глуша, паведаміў, што з дапамогай краўдфандынгу за два дні ўдалося сабраць грошы, якіх не хапала на пастамэнт для бюста.
Агулам было сабрана 1695 рублёў пры 900 плянаваных.
Сёлета ў красавіку ўсталяваньне бюсту дазволілі мясцовыя ўлады.
Эскіз бюста аўтарства скульптараў Гэніка Лойкі і Яўгена Білея прэзэнтавалі летась у кастрычніку на адкрыцьці ў Глушы арт-абʼекта «Прыпынак Адамовіча».
