У Беластоку сёньня адбываецца першы ў гісторыі гораду «Парад роўнасьці», які ладзяць арганізацыі ЛГБТ. Мерапрыемства пад лёзунгам — «Беласток — дом для ўсіх» — спрабуюць сарваць праварадыкалы.
Супраць шэсьця ўжо напярэдадні выказваліся нацыяналістычныя і рэлігійныя арганізацыі, каталіцкія герархі. Нягледзячы на гэта каля тысячы чалавек сабраліся ў цэнтры гораду і рушылі цэнтральнымі вуліцамі Беластоку ў суправаджэньні паліцыі.
Перашкодзіць ім у гэтым паспрабавалі некаторыя гараджане, псэўдазаўзятары і прадстаўнікі праварадыкальных арганізацый.
Раней яны абяцалі на сваіх профілях у сацыяльных сетках блякаваць шэсьце.
У бок удзельнікаў параду яны кідалі камяні, пэтарды і лаяліся. Паводле арганізатараў, некалькі чалавек атрымалі апёкі.
«Парад роўнасьці» адбываецца ў розных гарадах Польшчы. Яго ладзяць арганізацыі ЛГБТ. Удзельнікі мерапрыемства патрабуюць ад уладаў гарантаваць усім грамадзянам роўнасьць незалежна ад полу, сэксуальная арыетацыі, нацыянальнасьці, узросту і рэлігійнай прыналежнасьці.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў