Лінкі ўнівэрсальнага доступу

У Гомлі пры адкрыцьці новага супэрмаркету здарылася цісканіна

абноўлена

На абяцаныя бясплатныя піцу і марозіва сабраліся 200 чалавек.

Новы супэрмаркет вядомай у рэгіёнах сеткі крамаў адкрыўся 17 ліпеня на Чачэрскай вуліцы на ўскраіне Гомля. На адкрыцьцё сабраліся каля двухсот чалавек, зь іх прыкладна палова — дзеці. Шмат было маладых бацькоў зь дзецьмі на руках, людзей ва ўзросьце, пэнсіянэраў.

Каб запусьціць людзей у будынак, ахоўнікі адчынілі адну палавіну дзьвярэй. Людзі рынуліся ў вузкі праход. У некаторых падалі мабільныя тэлефоны. Група людзей ва ўзросьце, уціснуўшыся ў дзьверы, ледзь не зваліліся пад напорам пакупнікоў ззаду. У небясьпецы апынуліся некаторыя дзеці малодшага школьнага веку, якіх заціснулі дарослыя.

Нікога з траўмамі заўважана не было.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG