Аляксандр Лукашэнка прыняў запрашэньне прэзыдэнта Ўкраіны Уладзімера Зяленскага прыняць удзел у форуме рэгіёнаў, паведаміў пасол Беларусі ва Ўкраіне Ігар Сокал, перадае Інтэрфакс.
«Уладзімір Зяленскі запрасіў Аляксандра Лукашэнку на форум рэгіёнаў у Жытоміры. Наш прэзыдэнт пацьвердзіў свой удзел. Гэта стане найважнейшым мерапрыемствам у двухбаковых стасунках», — сказаў Сокал, якога цытуе дзяржаўнае агенцтва БелТА.
Сустрэча павінна адбыцца сёлета ў кастрычніку.
Першы форум рэгіёнаў дзьвюх краін прайшоў у кастрычніку 2018 гадоў у Гомлі. У пленарным пасяджэньні форуму ўзялі ўдзел Аляксандар Лукашэнка і Пятро Парашэнка.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў