Лінкі ўнівэрсальнага доступу

У Кіеве, Менску, Лёндане, Нью-Ёрку і іншых гарадах праходзяць акцыі салідарнасьці з Алегам Сянцовым


Ілюстрацыйнае фота. Падчас мінулагодняй акцыі ў падтрымку Алега Сянцова

У некалькіх краінах сьвету 13 ліпеня праходзяць акцыі ў падтрымку Алега Сянцова. Украінскаму рэжысэру, якога ў Расеі абвінавацілі ў тэрарызьме і пасадзілі ў турму на 20 гадоў, сёньня спаўняецца 43 гады, паведамляе «Настоящее время».

Гэта ўжо шосты дзень нараджэньня, які Алег Сянцоў сустракае за кратамі.

У Кіеве і іншых гарадах Украіны акцыі праходзяць у фармаце флэш-мобу «Сянцоў +». Іх удзельнікі ня толькі выказваюць падтрымку рэжысэру, але і патрабуюць вызваліць іншых грамадзян Украіны, якія зазналі перасьлед у Расеі. Гэта арыштаваныя пасьля расейскай анэксіі 2014 году крымскія татары і захопленыя ФСБ у Керчанскай пратоцы экіпажы ўкраінскіх караблёў.

Удзельнікі флэшмобаў пішуць лісты са словамі падтрымкі, адрасаваныя ўкраінскім палітвязьням. На прымеркаваных да дня нараджэньня Алега Сянцова імпрэзах паказваюць яго фільмы і зачытваюць творы рэжысэра.

Да акцыі салідарнасьці далучыліся Масква, Менск, Лёндан, Люксэмбург, Мюнхен, Бэрлін, Рыга, Нью-Ёрк, Люблін і Галіфакс.

Міністэрства замежных спраў Украіны ў чарговы раз заклікала Расею вызваліць незаконна зьняволенага ўкраінскага рэжысэра.

  • Алег Сянцоў — ураджэнец Крыму, неаднаразова выступаў супраць анэксіі паўвострава Расеяй.
  • У жніўні 2015 году Паўночна-Каўкаскі акруговы вайсковы суд у Растове-на-Доне прысудзіў яго да 20 гадоў калёніі строгага рэжыму па абвінавачваньні ў падрыхтоўцы тэрактаў у Крыме.
  • Сянцоў сваю віну не прызнаў і на працэсе заяўляў, што яго катавалі. Тэрмін ён адбывае ў калёніі ў горадзе Лабытнангі ў Ямала-Ненецкай аўтаномнай акрузе Расеі.
  • У калёніі Сянцоў абвясьціў бестэрміновую галадоўку з патрабаваньнем вызваліць усіх украінскіх палітвязьняў у Расеі. Ён пратрымаўся больш за 140 дзён, але быў вымушаны спыніць галоўку, калі кіраўніцтва калёніі вырашыла карміць яго прымусова і даваць сэдатыўные прэпараты.
  • Украіна і пераважная большасьць праваабаронцаў лічаць справу Сянцова палітычнай і патрабуюць яго неадкладнага вызваленьня.
  • 25 кастрычніка Эўрапарлямэнт прысудзіў Сянцову прэмію імя Сахарава, адну з самых прэстыжных сусьветных узнагародаў у галіне абароны правоў.
  • 13 ліпеня 2018 году маці рэжысэра Людміла Сянцова папрасіла Ўладзіміра Пуціна аб памілаваньні сына, але атрымала фармальную адмову.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG