Лінкі ўнівэрсальнага доступу

Ад лютага 2020 году шэнгенская віза падаражэе да 80 эўра. А для беларусаў? 


Шэнгенская віза

З 2 лютага 2020 году за атрыманьне шэнгенскай візы давядзецца плаціць 80 эўра. Рашэньне Рады Эўразьвязу аб зьменах у Візавы кодэкс апублікавана ў афіцыйным часопісе ЭЗ, паведамляе Tut.by.

Сёлета ў лютым Эўрапарлямэнт і Рада Эўразьвязу дасягнулі папярэдняга пагадненьня ў прапанове Камісіі мадэрнізацыі візавай палітыкі. Акрамя палёгкі ў працэдуры атрыманьня візы, зьмены прадугледжвалі і яе падаражаньне з 60 да 80 эўра.

Такім чынам, Рада Эўразьвязу канчаткова прыняла зьмены ў Візавы кодэкс. Згодна з правіламі, зьмены набудуць моц праз паўгода пасьля апублікаваньня ў афіцыйным часопісе.

Доўгія перамовы аб візах

Перамовы аб спрашчэньні візавага рэжыму паміж Беларусьсю і Эўразьвязам вядуцца з 2014 году. На пачатку ліпеня ў інтэрвію Tut.by кіраўніца прадстаўніцтва ЭЗ Андрэа Віктарын заявіла, што ўсе кансультацыі завершаныя, супярэчнасьцяў няма, тэкст узгоднены.

Цяпер Менск і Брусэль павінны правесьці дакумэнты праз унутрыдзяржаўныя працэдуры, працэс можа заняць да 3 месяцаў. Затым бакі выйдуць на падпісаньне выніковых дакумэнтаў. Чакаецца, што пасьля ратыфікацыі пагадненьня шэнгенская віза для беларусаў будзе каштаваць 35 эўра.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG