Лінкі ўнівэрсальнага доступу

У Таджыкістане 14 вязьняў памерлі ад атручваньня хлебам


Ілюстрацыйнае фота. Турма ў Душанбэ
Ілюстрацыйнае фота. Турма ў Душанбэ

Падчас этапаваньня з поўначы Таджыкістану ў Душанбэ 14 зняволеных памерлі, атруціўшыся хлебам, паведаміў прэс-цэнтар Галоўнага ўпраўленьня выкананьня крымінальных пакараньняў Мінюста Таджыкістану 8 ліпеня.

Паводле ведамства, усяго перавозілі 128 зьняволеных (120 мужчын і 8 жанчын). Сьцьвярджаецца, што на другім участку шляху 16 вязьняў зьелі тры буханкі хлеба, якія ўзялі з сабой на этап. Праз паўгадзіны ім стала дрэнна, а да прыбыцьця ў Душанбэ ўсе яны страцілі прытомнасьць.

Дваіх вязьняў мэдыкам удалося выратаваць, астатнія 14 памерлі, піша таджыцкая служба Радыё Свабоды.

Адзначаецца, што астатнія 115 вязьняў не пацярпелі, іх разьмясьцілі ў папраўчых установах.

Па факце сьмерці зьняволеных генпракуратура Таджыкістану завяла крымінальную справу, прызначана судова-мэдыцынская экспэртыза.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG