Лінкі ўнівэрсальнага доступу

БРСМ дорыць распашонкі-вышыванкі ў радзільнях


Архіўнае фота. Дзень вышыванкі 2017 ад БРСМ 2 ліпеня

Першы сакратар Менскага гарадзкога камітэта БРСМ Сяргей Клішэвіч падараваў 25-ці нованароджаным распашонкі, расшытыя беларускім арнамэнтам.

Акцыя «Падары немаўляці вышыванку» адбылася ў 5-м радзільным доме ў Менску напярэдадні афіцыйнага Дня незалежнасьці 3 ліпеня, перадае БелТА.

Паводле Клішэвіча, «масавае захапленьне нацыянальнай вышыванай кашуляй імкліва набірае абароты», і сёньня адзеньне зь беларускім арнамэнтам «стала па-сапраўднаму моднай фішкай».

«Нованароджаныя, якія атрымалі адзеньне з нацыянальнай сымболікай, будуць знаходзіцца пад надзейнай абаронай, бо для іх гэта абярэг», — сказаў функцыянэр БРСМ.

Акцыя «Падары немаўляці вышыванку», паводле БРСМ, будзе праходзіць па ўсёй Беларусі. У радзільнях маці атрымаюць для немаўлят распашонкі, паўзункі з нацыянальным арнамэнтам.

Дзень вышыванкі ад БРСМ, 2018 год
Дзень вышыванкі ад БРСМ, 2018 год

БРСМ — праўладная арганізацыя, якая фінансуецца зь дзяржаўнага бюджэту. Была ўтвораная ў 2002 годзе праз аб’яднаньне «Беларускага саюзу моладзі» і «Беларускага патрыятычнага саюзу моладзі», лічыць сябе пераемнікам савецкага камсамолу і актыўна падтрымлівае палітыку дзейных уладаў (за што атрымаў мянушку «лукамол»).

Паводле самой арганізацыі, у яе ўваходзяць 477,5 тысячы чалавек (у тым ліку 16,2 тысячы ў «моладзевых атрадах аховы парадку»), але шмат беларусаў заяўлялі, што іх запісвалі ў БРСМ прымусова або ўпотай.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG