Прэзыдэнт Сэрбіі Аляксандар Вучыч не прыйшоў на цырымонію адкрыцьця другіх Эўрапейскіх гульняў у Менску ў пятніцу ўвечары, паведамілі агенцтву «РИА Новости» дзьве крыніцы, знаёмыя з сытуацыяй.
«Першапачаткова яго прысутнасьць на стадыёне меркавалася, аднак у сувязі з удзелам у цырымоніі праходжаньня краін-удзельніц па стадыёне спартоўцаў з Косава пад іх сьцягам сэрбскі лідэр праігнараваў адкрыцьцё», — сказала «РИА Новости» крыніца ў адной з дэлегацый.
Схема рассаджваньня гасьцей, складзеная ўвечары напярэдадні адкрыцьця, таксама сьведчыць аб тым, што ўдзел Вучыча у цырымоніі плянаваўся.
Другая крыніца, якая прысутнічаў на цырымоніі, пацьвердзіла «РИА Новости», што сэрбскі лідэр не прыйшоў.
«Гэта так. Вучыч патлумачыў сваю адсутнасьць на адкрыцьці ўдзелам дэлегацыі з Косава», — сказаў суразмоўца агенцтва.
Каманда Косава ўдзельнічае ў Эўрапейскіх гульнях, хоць Беларусь і не прызнае афіцыйна незалежнасьць гэтай дзяржавы.
Камэнтаваць тут можна праз Facebook. Нам таксама можна напісаць на адрас radiosvaboda@gmail.com