У Аўстраліі ў журналістаў праводзяць ператрусы за публікацыю сакрэтнай інфармацыі

У Аўстраліі прайшлі ператрусы ў офісах журналісцкіх карпарацыяў АВС і News Corp. Прычынай сталі некалькі журналісцкіх матэрыялаў, якія грунтаваліся на сакрэтнай інфармацыі, перададзенай карэспандэнтам неназванымі крыніцамі. У Аўстраліі ад леташняга году для дзяржаўных службоўцаў уведзенае паняцьце «агульнага парушэньня сакрэтнасьці» і прадстаўленьне інфармацыі, якая не падлягае разгалошваньню, цяпер лічыцца крымінальным злачынствам.