Прэзыдэнт ЗША Дональд Трамп заявіў, што ў канцы гэтага месяца ён сустрэнецца з прэзыдэнтам Расеі Ўладзімірам Пуціным падчас саміту G20 у Японіі, хоць Крэмль заяўляе, што не атрымаў пацьверджаньня ад Вашынгтона аб магчымай сустрэчы.
Пра сустрэчу на палях саміту на вышэйшым узроўні ў японскай Осацы 28–29 чэрвеня Дональд Трамп заявіў напярэдадні ў Белым доме.
Разам з тым прэс-сакратар прэзыдэнта Расеі Ўладзіміра Пуціна Дзьмітрый Пяскоў заявіў, што Крэмль «ня мае такіх пацьверджаньняў» аб сустрэчы прэзыдэнтаў ЗША і Расеі.
Апошні раз Трамп сустракаўся з Пуціным у фармаце сам-насам у Хэльсынкі ў ліпені 2018 году. Пасьля гэтай сустрэчы амэрыканскія заканадаўцы рэзка раскрытыкавалі Трампа за тое, што ён ня мае жорсткай пазыцыі што да адказнасьці за выяўленае спэцслужбамі ЗША ўмяшаньне ў амэрыканскія выбары 2016 году. Апошнім часам амэрыканскі прэзыдэнт у публічных закліках намякае на жаданьне палепшыць стасункі з Расеяй, у прыватнасьці з Уладзімірам Пуціным.