Трэці месяц запар у Беларусі істотна падвышаюцца цэны на цыбулю. У сакавіку яны вырасьлі на 15,81%, у красавіку — на 18,5%, у траўні — аж на 41,23%. Вось жа, за тры месяцы цэны павялічыліся амаль удвая, на 93,81%.
Затое працягнулі істотна падаць цэны на агуркі: мінус 38,28% за травень, мінус 23,92% за красавік, мінус 22,88% за сакавік. Гэта значыць, за тры месяцы цана на агуркі зьнізілася амаль на дзьве траціны. У лютым агуркі даражэлі на 32,22%.
За травень таксама істотна патаньнелі памідоры — на 31,92% (у красавіку даражэлі на 12,67%), курыныя яйкі — на 7,43%, рагу са сьвініны — на 4,26%.
Падаражэлі за месяц таксама:
- морква — на 35,45%;
- салодкі перац — на 24,49%;
- часнок — на 15,06%.
У цэлым прадукты харчаваньня і безалькагольныя напоі падаражэлі на 0,8%.
Адзеньне патаньнела на 0,01%, абутак падаражэў на 2,48%.
Агулам паслугі падаражэлі на 0,37%. Пераважна гэта паслугі пасажырскай чыгункі — на 7,67%.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў