Рашэньне прынятае аднагалосна — за зацьвярджэньне ўраду прагаласаваў 61 дэпутат (усе, хто браў удзел у пасяджэньні), інфармуе агенцтва Інтэрфакс.
Адразу пасьля зацьвярджэньня ўраду прэзыдэнт Ігар Дадон прывёў да прысягі членаў новага кабінэта міністраў.
Пасяджэньне парлямэнта было склікана ў суботу насуперак прынятаму напярэдадні рашэньню Канстытуцыйнага суду, згодна зь якім парлямэнт ня можа працягваць працу, а прэзыдэнт абавязаны яго распусьціць.
Маі Санду 47 гадоў. Яна закончыла Гарвардзкі інстытут дзяржаўнага кіраваньня імя Джона Ф. Кэнэдзі. Ад 2016 году кіруе правай партыяй «Дзеяньне і салідарнасьць». Міністар адукацыі Рэспублікі Малдова (2012-2015), кандыдат на пасаду прэзыдэнта Малдовы на выбарах 2016 году.
