У сквэры ля галоўнага офісу «Белгазпрамбанку» на вуліцы Прытыцкага ў Менску адкрылі скульптуру «Навігатар».
Праца нараджэнца Беларусі Восіпа Цадкіна была набытая ў Нью-Ёрку за 341 тысячу даляраў на таргах аўкцыённага дому Christie’s.
Восіп Цадкін нарадзіўся ў 1888 годзе ў Віцебску. Гэта яскравы прадстаўнік Парыскай школы, выбітны скульптар ХХ стагодзьдзя.
«Навігатар» — манумэнтальная скульптура, першапачаткова створаная ў дрэве ў 1937 годзе. У цэнтры кампазыцыі — чалавек, у ягоных руках — карабель. Гэта адзін з галоўных сымбаляў твору, адсылка да радзімы аўтара, да фамільнай справы ягонай сям’і — суднабудаваньня.
У 1993 годзе гэтая скульптура, але ўжо адлітая ў бронзе, была пастаўленая ў Парыжы на выхадзе з Мосту інвалідаў. У гэтым горадзе ў 1967 годзе майстар памёр.
«Белгазпрамбанк» набыў адзін з асобнікаў «Навігатара» на нью-ёрскіх таргах аўкцыённага дому Christie’s і ўсталяваў каля свайго галаўнога офісу.
Ініцыятары культурніцкай акцыі падкрэсьліваюць, што з помнікам можна фатаграфавацца і абдымацца.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў