Лінкі ўнівэрсальнага доступу

Расейскі зьнішчальнік небясьпечна правакаваў экіпаж амэрыканскага самалёта 


Расейскія зьнішчальнікі Су-35

4 чэрвеня расейскі зьнішчальнік Су-35 тройчы за некалькі гадзін перахопліваў амэрыканскі самалёт выведкі Р-8А «Пасэйдон», які знаходзіўся ў міжнароднай паветранай прасторы над Міжземным морам. Пра гэта паведаміў шосты флёт ЗША.

Другі па ліку перахоп амэрыканскія вайскоўцы вызначылі як «небясьпечны». Расейскі Су-35 праляцеў на вялікай хуткасьці проста перад амэрыканскім самалётам, у выніку чаго экіпаж адчуў хвалю турбулентнасьці.

Удакладняецца, што перасьледу расейскага зьнішчальніка не было, але дзеяньні Расеі ў міжнароднай паветранай прасторы клясыфікаваныя як «безадказныя».

За апошнія гады ў Чорным моры, на Балтыцы, у Сырыі ды іншых рэгіёнах неаднаразова мелі месца небяспечныя зьбліжэньнні самалётаў Расеі і NATO. Расейскае Міністэрства абароны ад камэнтаваньня інцыдэнтаў звычайна ўстрымліваецца.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG