Лінкі ўнівэрсальнага доступу

Ксенія Жук і Арцём Лук’яненка з NaviBand зачытаюць тэкст «Агульнай дыктоўкі» 


«Агульная дыктоўка» ад «Лідзкага піва» у Нацыянальнай бібліятэцы

Апоўдні 1 чэрвеня ў Нацыянальнай бібліятэцы Беларусі стартуе чарговая «Агульная дыктоўка». За «парты» сядуць блізу тысячы чалавек.

Агульнанацыянальная дыктоўка ладзіцца ў Беларусі і за мяжой, пачынаючы ад 2008 году. Аўтарам такой ідэі выступіў палітоляг, філёзаф Уладзімер Падгол.

Апошнія тры гады «Агульны дыктоўка» зьяўляецца карпаратыўным сацыяльна-адукацыйным праектам бровару «Лідзкае піва». Ідэя палягае ў тым, каб даць кожнаму беларусу магчымасьць праверыць узровень валоданьня беларускай мовай і падтрымаць імкненьне грамадзянаў удасканальваць свае веды. Да ініцыятывы далучыліся многія школы, унівэрсытэты, грамадзкія арганізацыі.

Як паведамілі БелаПАН у піваварнай кампаніі, заля Нацыянальнай бібліятэкі зьмяшчае прыкладна 500 чалавек, астатнія зарэгістраваныя змогуць слухаць дыктоўку ў наўпроставым эфіры каналу «Культура» Беларускага радыё.

Арцём Лук'яненка і Ксенія Жук
Арцём Лук'яненка і Ксенія Жук

1 чэрвеня ўдзельнікі будуць пісаць дыктоўку паводле ўрыўку з аднаго з твораў Андруся Горвата, «які быў адаптаваны пад умовы праекту». Дыктаваць тэкст запрошаныя музыкі дуэту NaviBand Ксенію Жук і Арцёма Лук’яненку.

Дэпутатка Палаты прадстаўнікоў, старшыня Таварыства беларускай мовы імя Францішка Скарыны Алена Анісім станоўча адгукнулася на «Агульную дыктоўку» ад «Лідскага піва».

«Цяпер разглядаецца ініцыятыва, якая, магчыма, будзе рэалізаваная: каб на працягу году праводзіць такога роду дыктоўкі ў рамках акцыі „Беларусь памятае“. Падставы для гэтага ёсьць: сёлета мы адзначаем 75-годзьдзе вызваленьня Беларусі», — дадала Алена Анісім.

Яна выступае за тое, каб практыка правядзеньня такіх імпрэзаў выключна пашыралася.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG