На выставе-кірмашы ў Казахстане вытворца сельскагаспадарчай прадукцыі — кампанія «Алекры» — паказала яйкі з надпісам «9 ліпеня ўсе на выбары» і «Наперад, Казахстан».
Як паведаміла прадстаўніца «Зьвязу птушкаводаў Казахстану», у кампаніі на кожнае сьвята прыдумляюць свае надпісы.
«У іх такое бывае. Яны на Вялікдзень такое робяць, летась на Курбан-айт пісалі. Такі ў іх маркетынгавы ход», — пракамэнтавала яна.
Казаскія бізнэсоўцы даўно ператваралі харчовыя прадукты ў сродак агітацыі. У 2015 годзе прадпрымальнікі запрашалі казахстанцаў на выбары з дапамогай малака, кефіру і макароны.
Летась казаскую ідэю падхапілі расейцы. Сыктыўкарскі малочны завод зьмясьціў на ўпакоўках свайго прадукту лягатып выбараў.
