Лінкі ўнівэрсальнага доступу

Аляксандар Лукашэнка сказаў пра пэрспэктывы адносінаў зь Ярданіяй. Беларускі экспарт у гэтую краіну зьніжаецца


Ярданія, старажытны горад Джэраш

Аляксандар Лукашэнка павіншаваў караля Ярданіі Абдалу II са сьвятам — Днём Незалежнасьці і выказаўся пра пэрспэктывы супрацоўніцтва. Свабода паглядзела, як Беларусь гандлюе зь Ярданіяй.

«Перакананы, што адносіны паміж нашымі краінамі маюць вялікі патэнцыял для больш плённага разьвіцьця. Канструктыўнае супрацоўніцтва ў галінах прамысловасьці, сельскай гаспадаркі, адукацыі, турызму адкрывае новыя магчымасьці і адпавядае агульным інтарэсам нашых дзяржаў», — гаворыцца ў віншаваньні, якое цытуе БелТА.

Паводле Белстату летась Беларусь паставіла ў Ярданію тавараў на 19,3 мільёна даляраў. У гэтую краіну Беларусь прадае мінэральныя і хімічныя ўгнаеньні, тэхніку.

Але за 6 гадоў экспарт у Ярданію зь беларускага боку ўпаў у 2,2 раза. Напрыклад, у 2012 годзе Беларусь прадала ў Ярданію тавараў на 42,7 мільёна даляраў. Найніжэйшы паказьнік зафіксаваны ў 2015 годзе, тады экспарт склаў усяго 5,2 мільёна даляраў. Імпарт зь Ярданіі ў Беларусь наогул не зафіксаваны паводле статыстыкі Белстату.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG