Як будзе выглядаць Беларусь будучыні. Апытаньне экспэртаў

Цэнтар новых ідэй апублікаваў «Індэкс беларускай будучыні» — вынікі апытаньня 58 экспэртаў.

Спойлер: большасьць паказьнікаў характарызуюць Беларусь як краіну ў стане стагнацыі.

Грамадзка-палітычныя трэнды

• Большасьць экспэрты лічылі, што карупцыя ў Беларусі будзе гэтак жа распаўсюджана як і цяпер. Іншыя, што сытуацыя стане лепшай.

  

• Нацыянальная ідэнтычнасьць будзе няўстойлівай. Ня будзе выразнага разуменьня адрознасьці ад іншых нацый.
• Стан і ўмовы разьвіцьця грамадзянскай супольнасьці застануцца прыкладна на тым самым узроўні.
• 38% экспэртаў лічаць, што ў зьнешняй палітыцы Беларусь захавае статус-кво. 27% — што расейскі вэктар будзе пераважаць, паглыбіцца інтэграцыя ў межах ЕАЭС.

Адукацыйны і інавацыйны патэнцыял

• Выдаткі на дасьледаваньні і распрацоўкі будуць заставацца на нізкім узроўні.
• Колькасьць заявак на патэнты будзе зьмяншацца і складзе ў сярэднім 300-500 штук у год.
• Ня варта чакаць, што цягам найбліжэйшых пяці гадоў колькасьць беларускіх унівэрсытэтаў сярод найлепшых 500 вырасьце.

• Доля замежных студэнтаў павялічыцца. Магчыма, колькасьць студэнтаў зь Беларусі зьменшыцца.

Сацыяльна-дэмаграфічнае разьвіцьцё

• У Беларусі будзе жыць 9,25–9,5 мільёнаў чалавек.

Правы меншасьцяў, асобных сацыяльных і дэмаграфічных груп будуць абмяжоўваюцца як і цяпер. Пры гэтым абмежаваньні будуць тычыцца асобных сфэр і кірункаў дзейнасьці.

• Розьніца паміж заробкам за МКАДам у параўнаньні з заробкам у сталіцы можа павялічыцца яшчэ больш.
• Сытуацыя з гендэрнай роўнасьцю застанецца амаль на тым жа ўзроўні. Дзяржава і грамадзтва толькі часткова будуць функцыянаваць у адпаведнасьці з прынцыпамі гендэрнай роўнасьці.
• Выдаткі на ахову здароўя істотна расьці ня будуць, магчыма, будуць зьмяншацца.

Эканамічныя пэрспэктывы

• Падчас наступнай пяцігодкі эканоміка будзе расьці ў межах ад 1,5 % да 3 %, што ў практыцы з’яўляецца стагнацыяй, — гэткі рост не кампэнсуе стратаў ад эканамічнага крызісу і з’яўляецца ніжэйшым за рост сусьветнай эканомікі.

  

• Паміж 2019-ым і 2023-ім годам сярэдні заробак у Беларусі праўдападобна складзе 500-600 даляраў.

• Зьнешняя запазычанасьць, хутчэй за ўсё, будзе складаць 50-70 % ад ВУП Беларусі.

• Доля Расеі ў беларускім экспарце тавараў нязначна зьменшыцца — да 35-40 % ад агульнага памеру. Колькасьць краін, у кожную з якіх будзе ісьці больш за 5 % беларускага экспарту, узрасьце, хутчэй за ўсё, да 3-5.