Беларускі ПЭН-цэнтр, Саюз беларускіх пісьменьнікаў, Пасольства Польшчы ў Беларусі і Польскі Інстытут у Менску абвяшчаюць восьмы сэзон Літаратурнай прэміі імя Ежы Гедройця.
Цырымонія ўзнагароджаньня ляўрэатаў адбудзецца 25 верасьня 2019 года ў арт-прасторы ZALA #2 ў Палацы мастацтва ў Менску.
Падрабязную інструкцыю для ахвотных падаць заяўку можна знайсьці на сайце Беларускага ПЭН-цэнтру.
Прэмія імя Ежы Гедройця ўручаецца з 2012 года за найлепшую кнігу ў жанры мастацкай i дакумэнтальнай прозы і мае статус галоўнай незалежнай літаратурнай узнагароды Беларусі.
Папярэднія пераможцы Прэміі:
- Павал Касьцюкевіч, «Зборная РБ па негалоўных відах спорту», 2012
- Уладзімір Някляеў, «Аўтамат з газіроўкай з сыропам і без», 2013
- Ігар Бабкоў, «Хвілінка: Тры гісторыі», 2014
- Віктар Казько, «Час зьбіраць косьці», 2015
- Макс Шчур, «Завяршыць гештальт», 2016
- Зьміцер Бартосік, «Быў у пана верабейка гаварушчы», 2017
- Уладзімір Арлоў, «Танцы над горадам», 2018
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў