Лінкі ўнівэрсальнага доступу

Зяленскі падпісаў указ аб роспуску Вярхоўнай Рады і прызначыў дату выбараў


Прэзыдэнт Украіны Ўладзімір Зяленскі падпісаў указ аб роспуску Вярхоўнай Рады і прызначыў датэрміновыя выбары парлямэнту на 21 ліпеня 2019 году.

Адпаведны дакумэнт апублікаваны на сайце кіраўніка дзяржавы 21 траўня.

Прэзыдэнт таксама даручыў Кабінэту міністраў Украіны забясьпечыць фінансаваньне пазачарговых выбараў у Вярхоўную Раду.

Падчас інаўгурацыйнай прамовы ў парлямэнце 20 траўня Зяленскі заявіў, што распускае Вярхоўную Раду восьмага, а таксама заклікаў урад падаць у адстаўку.

Пасьля Зяленскі патлумачыў сваё рашэньне тым, што ў Вярхоўнай Радзе не было кааліцыі з 2016 году.

«Галоўным аргумэнтам для роспуску Вярхоўнай Рады зьяўляецца вельмі нізкі давер грамадзян Украіны да гэтага інстытуту — 4%. Гэта — ацэнка работы парлямэнта і самы важкі аргумэнт для спыненьня яго паўнамоцтваў. Я як гарант Канстытуцыі абавязаны гарантаваць правы грамадзянаў Украіны. Юрыдычная падстава для роспуску — з 2016 году не існавала кааліцыі», — сказаў Зяленскі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG