Лінкі ўнівэрсальнага доступу

У Крывым Рогу вэрбавалі ўкраінак для прастытуцыі і жабрацтва ў Менску


Ілюстрацыйнае фота
Ілюстрацыйнае фота

Сьледчы аддзел паліцыі ў Крывым Рогу (Днепрапятроўская вобласьць) у межах крымінальнай справы шукае асобаў, датычных да арганізацыі злачыннай групоўкі, якая займалася вэрбаваньнем дзяўчат ва ўзросьце ад 18 да 25 гадоў для прастытуцыі і жабрацтва.

У справе фігуруе як мінімум адзін эпізод, калі ўкраінак накіроўвалі ў Менск пад выглядам уладкаваньня на працу валянтэрамі — ім абяцалі жытло ў арэндаванай кватэры ў Менску, заробак 400 даляраў, але па прыезьдзе забіралі пашпарт і прымушалі стаяць на каленях у грамадзкіх месцах ды прасіць грошы на лячэньне «хворага дзіцяці». Адзін з такіх пунктаў для жабрацтва нібыта знаходзіўся ля менскай станцыі мэтро «Пятроўшчына».

Сьведка паведаміў сьледзтву, што маладым дзяўчатам прызначалі сустрэчу ў адным са спальных раёнаў гораду, потым іх перавозілі ў цэнтральны «квартал 95» (вядомы раён у Крывым Рогу, у гонар якога прэзыдэнт Украіны Ўладзімір Зяленскі назваў сваю кампанію. — РС), а адтуль — спачатку ў Кіеў і потым ужо ў Менск.

Сьледчыя атрымалі дазвол суду вывучыць дакумэнтацыю сямі тэлефонных нумароў аднаго з украінскіх апэратараў мабільнай сувязі, якія могуць належаць удзельнікам злачыннай групоўкі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG