Беларуская IT-кампанія Apalon, якая займаецца распрацоўкай і прасоўваньнем мабільных праграм для App Store і Google Play, выпусьціла бясплатны мабільны дадатак Kazki зь беларускімі фальклёрнымі аўдыёказкамі.
Праект Kazki — гэта бясплатная аўдыёкніжка з 53 казак на беларускай мове, сабраных з розных куткоў Беларусі і адабраных музыкам Алегам Хаменкам, які агучыў іх разам з гуртом «Палац».
Казкі аб’яднаныя ў тэматычныя катэгорыі: «Чароўныя казкі», «Казкі пра жывёл», «Дзіўныя казкі», «Казкі пра жыцьцё», «Павучальныя казкі» і «Казка пра салдата».
Аздыёкніжка аздобленая аўтарскімі ілюстрацыямі. Казкі зь яе можна слухаць офлайн, а таксама спампаваць — па разьдзелах або ўсю бібліятэку цалкам.
Праграма даступная на IOS і Android.
Як сказаў на прэзэнтацыі Алег Хаменка, ён і прадусар праекту Андрэй Залатар плянуюць стварыць старонку праекту ў Facebook, каб карыстальнікі маглі дасылаць новыя казкі для даданьня ў бібліятэку, паведамляе Tut.by.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў