Лінкі ўнівэрсальнага доступу

Без Google і VPN. Чаму ў Таджыкістане амаль не працуе інтэрнэт


Прэзыдэнт Таджыкістану Імамалі Рахмон

Жыхары Таджыкістана скардзяцца на рэзкае зьніжэньне хуткасьці інтэрнэту. Гэта адбылося пасьля таго, як прэзыдэнт адмяніў распараджэньне антыманапольнай службы аб павышэньні кошту онлайн-паслуг.

Таксама ў краіне ўжо другі тыдзень заблякаваны доступ да папулярных недзяржаўных рэсурсаў: сацсетак, мэсэнджэраў, сэрвісаў Google, YouTube і дзясяткаў іншых вэб-сайтаў.


Жыхары Таджыкістана ўжо прывыклі да рэгулярнага абмежаваньня доступу да розных вэб-сайтаў і інтэрнэт-рэсурсаў. Часовыя блякаваньні адбываюцца практычна кожны месяц. Некаторыя вэб-сайты — у асноўным незалежныя навінавыя парталы — у краіне па-за доступам ужо паўгода. Таджыкістанцы абыходзяць блякаваньне з дапамогай спэцыяльных праграм. Але з прычыны нізкай хуткасьці з перабоямі працуюць і самі VPN-сэрвісы.

Некаторыя экспэрты лічаць, што такім чынам улада назірае за рэакцыяй грамадзян на абмежаваньне доступу да інфармацыі. У наступным годзе ў Таджыкістане пройдуць выбары прэзыдэнта краіны і, магчыма, гэтая блякіроўка — усяго толькі рэпэтыцыя перад татальным адключэньнем сеціва перад галасаваньнем.

У службе сувязі ад інтэрвію адмаўляюцца, але кажуць, што прычына дрэннай сувязі ў тым, што людзі карыстаюцца VPN-сэрвісамі для абыходу блякаваньняў. У ведамстве сьцьвярджаюць, што рэсурсы не блякуюцца ўладамі — гэта вынік пастаянных хакерскіх нападаў на дзяржаўны Адзіны камутацыйны цэнтр, адзіны вузел, які кантралюе трафік у краіне.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG