Лінкі ўнівэрсальнага доступу

У францускай Тулюзе ўзброены мужчына захапіў 4 закладніц у краме

абноўлена

Ілюстрацыйнае фота

Абноўлена: Нападнік вызваліў закладніц пасьля перамоваў, затрыманы паліцыяй, перадае RFi. Закладніцы не пацярпелі.

Узброены мужчына захапіў у закладнікі чатырох жанчын у краме на ўскраіне паўднёвага францускага гораду Тулюза, паведамляе Le Figaro. Патрабаваньняў ён ня выставіў, таму паліцыя не выключае тэрарызм.

СМІ таксама паведамляюць, што за пяць хвілін да сыгналу трывогі ў краму ўварваўся ўзброены мужчына ў матацыклетным шаломе, на якім была прымацаваная камэра GoPro.

Паліцыя ачапіла краму і эвакуавала людзей навокал. Паводле інфармацыі відавочцаў, мужчына двойчы страляў у кірунку праваахоўнікаў, каб прымусіць іх адступіць.

Паводле СМІ, нападнік — 17-гадовы юнак, добра вядомы паліцыі. Ён пагражаў, што заб’е закладніц, калі паліцыя не адыйдзе, паліцыянты былі вымушаныя саступіць. Нападнік патрабуе выклікаць перамоўніка.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG