Лінкі ўнівэрсальнага доступу

Назвалі папярэднія прычыны авіякатастрофы ў «Шарамецьцеве»


Пра гэта са спасылкай на сьледчыя органы паведамляе выданьне «Камэрсант».

Адной з асноўных вэрсіяў прычын авіякатастрофы лайнэра Sukhoi Superjet 100 у «Шарамецьцеве» — памылка экіпажу, паведамляе «Камэрсант».

Паводле выданьня, пілёты дапусьцілі тры памылкі, якія прывялі да катастрофы і гібелі часткі пасажыраў. Першай зь іх стала рашэньне пракласьці курс праз навальніцу, у выніку чаго ў самалёт трапіла маланка і пашкодзіла частку яго электроннага абсталяваньня. Другой памылкай экіпажу было рашэньне сядаць, нягледзячы на вялікі аб’ём неспажытага паліва. Трэцяй — рашэньне працягваць спробы пасадкі, нягледзячы на відавочныя праблемы пасьля першага дотыку да пасадачнай паласы.

Праца сьледчых працягваецца. Паводле інфармацыі «Камэрсанту», яны маюць шэраг пытаньняў і да ратавальнікаў, якія працавалі ў той дзень на тэрыторыі аэрапорту.

Авіякатастрофа лайнэра Sukhoi Superjet 100 ў маскоўскім аэрапорце «Шарамецьцева» здарылася ўвечары 5 траўня. Неўзабаве пасьля ўзьлёту экіпаж сутыкнуўся з праблемамі і вырашыў вярнуцца ў аэрапорт вылету. Падчас цьвёрдай пасадкі шасі лайнэра прабілі паліўныя бакі, усчаўся пажар. У выніку здарэньня загінуў 41 чалавек.

«Сухой Суперджет» — першы пасажырскі самалёт, распрацаваны ў Расеі пасьля распаду СССР. На ім лётаюць з 2011 году, пераважна расейскія авіякампаніі. Раней аварыя SSJ-100 з чалавечымі ахвярамі адбылася ў Інданэзіі ў 2012 годзе, тады загінулі 45 чалавек. Прычынай тады быў прызнаны «чалавечы фактар».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG