Лінкі ўнівэрсальнага доступу

Прэзыдэнт Грузіі выступіла супраць разьмяшчэньня ў краіне вайсковых базаў ЗША


Кіраўніца Грузіі Саламэ Зурабішвілі

Кіраўніца Грузіі Саламэ Зурабішвілі лічыць немэтазгодным разьмяшчэньне ў краіне амэрыканскіх вайсковых базаў, на чым настойваюць многія грузінскія палітыкі. Пра гэта грузінская лідэрка заявіла ў інтэрвію радыёстанцыі «Голас Амэрыкі».

Грузіі ня трэба рабіць крокаў, якія могуць быць расцэненыя як правакацыі і, магчыма, выклічуць «рэакцыю як з боку Расеі, так і з боку... тэрарыстычных рухаў, вельмі актыўных у гэтым рэгіёне», адзначыла Зурабішвілі. Яна таксама нагадала пра тое, што ЗША ніколі не зьвярталіся да грузінскага кіраўніцтва з прапановай аб разьмяшчэньні вайсковых базаў у Грузіі.

Апазыцыя выказала пратэст і зьдзіўленьне заявай прэзыдэнткі. Адзін з заснавальнікаў парлямэнцкай партыі «Эўрапейская Грузія», былы сакратар Рады нацыянальнай бясьпекі Гіга Бакерыя сказаў журналістам, што Саламэ Зурабішвілі, кандыдатуру якой у ходзе леташніх выбараў падтрымала кіроўная партыя «Грузінская мара», «гуляе на руку Уладзіміру Пуціну, выступаючы супраць разьмяшчэньня вайсковых базаў дружалюбнай дзяржавы, здольнай абараніць краіну ад чарговай расейскай агрэсіі».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG