Пра гэта паведамляе ланкийскі партал Newsfirst.
Па інфармацыі Newsfirst, падазраванымі зьяўляюцца Махамад Садок Абдул-Хак і Махамад Шахід Абдул-Хак. Іншых падрабязнасьцяў партал не прыводзіць. Вядома, што ўсяго паліцыя затрымала каля 100 чалавек.
21 красавіка на Шры-Лянцы адбылася найбуйнейшая ў гісторыі краіны сэрыя тэрактаў. У гарадах Каломба, Нягомба і Бацікалоа прагрымела восем выбухаў, у тым ліку ў каталіцкіх храмах падчас велікодных службаў і ў гастэлях.
Раней паведамлялася пра 359 ахвяраў, аднак пазьней высьветлілася, што гэтыя дадзеныя былі памылкова завышаныя мэдыкамі. Па апошніх зьвестках, у выніку тэрактаў загінулі каля 250 чалавек.