Лінкі ўнівэрсальнага доступу

Гурт «Dzieciuki» запісаў першы кліп на песьню з новага альбома. У кадры ёсьць «Ноч» Марціновіча


Дзецюкі

Горадзенскія музыкі прэзэнтавалі кліп на песьню «Калі над лугам бусел праляцеў» увечары 26 красавіка.

Відэа здымалі ў маленькай польскай вёсцы Чарна Бухта (Czarna Buchta) на памежжы Польшчы, Літвы і Беларусі. Гэта першы кліп з новага альбома панк-гурта. Ягоную ідэю прыдумала і над ім працавала каманда з Бэрліну: рэжысэр Робэрт Экштайн і апэратар Клемэнс Юрк.


«Мы зь імі знаёмыя гадоў 5-6 ужо, таму яны не выпадковыя людзі. Робэрту вельмі спадабалася песьня. Што ён хацеў сказаць, як аўтар кліпа? Самі шукайце адказ, бо я не ведаю дакладнага адказу», — расказаў Свабодзе лідэр гурту «Dzieciuki» Алесь Дзянісаў.

Раман «Ноч» Віктара Марціновіча аказаўся ў кадры, бо па задумцы аўтара адзін з пэрсанажаў роліка меўся чытаць кнігу. Дзянісаў прынёс на здымкі тую, якую тады акурат чытаў.

Упершыню за тры гады «Dzieciuki» дадуць вялікі сольны канцэрт у Менску 28 красавіка.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG