Лінкі ўнівэрсальнага доступу

Баевікі «ДНР» будуць цэнтралізавана вазіць жыхароў Данбасу афармляць расейскія пашпарты


У групоўцы «ДНР» вырашылі ўвесьці «спрошчаны мэханізм перасячэньня мяжы на пунктах пропуску з РФ з мэтай цэнтралізаванай дастаўкі грамадзян для атрыманьня грамадзянства РФ».

Кіраўнік групоўкі Дзяніс Пушылін заявіў, што распрацаваць такі механізм трэба да 1 чэрвеня.

Расея пакуль не рэагавала на выказваньні кіраўніка прарасейскіх баевікоў, якія кантралююць частку Данецкай вобласьці.

24 красавіка прэзыдэнт Расеі Ўладзімер Пуцін падпісаў указ, па якім жыхары акупаваных тэрыторый Данбаса змогуць у спрошчаным парадку атрымліваць грамадзянства Расеі.

Кіраўнік МЗС Украіны Паўло Клімкін назваў рашэньне расейскіх уладаў «новым «пашпартным этапам» акупацыі Данбаса і заклікаў ўкраінскіх грамадзян на акупаваных Расеяй тэрыторыях не ўспрымаць расейскія пашпарты.

З заявамі пра асуджэньне ўказа Пуціна выступілі Эўразьвяз і ЗША.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG