Гурт «Крама» прэзэнтаваў песьню «Паліцэйскі рок-н-рол», якая анансавала новы альбом і стала першым трэкам пасьля расколу каманды. Да гурту далучыўся гітарыст Андрэй Краўцэвіч, піша Tuzinfm.by.
Летась канфлікт лідэра «Крамы» Ігара Варашкевіча і гітарыста Сяргея Трухановіча выйшаў на публіку. Пазьней Трухановіч адмовіўся выйсьці на заяўлены ўжо канцэрт і паставіў кропку ў гісторыі з «Крамаю».
