Лінкі ўнівэрсальнага доступу

У Кіеве тысячы прыхільнікаў Парашэнкі падзякавалі прэзыдэнту


У Кіеве каля будынка Адміністрацыі прэзыдэнта Ўкраіны прайшла акцыя «Дзякуй, Пятро» на знак падзякі за рэформы, праведзеныя прэзыдэнтам Пятром Парашэнкам на працягу знаходжаньня на пасадзе кіраўніка дзяржавы, паведамляе Інтэрфакс-Украіна.

На акцыю сабралася некалькі тысяч чалавек. Супрацоўнікі Адміністрацыі адчынілі браму, і ўсе ахвочыя змаглі падысьці непасрэдна да будынка Адміністрацыі.

Многія людзі прынесьлі з сабой дзяржаўныя сьцягі Ўкраіны, плякаты з надпісам «Дзякуй», а ў часткі ўдзельнікаў акцыі былі элемэнты адзеньня ў колерах перадвыбарнай сымболікі Парашэнкі (бардовы).

Людзі некалькі разоў прасьпявалі гімн Украіны, на плошчы панавала сяброўская атмасфэра. Час ад часу людзі скандавалі: «Дзякуй, Пятро». Тэрыторыю ахоўвалі некалькі дзясяткаў праваахоўнікаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG