Лінкі ўнівэрсальнага доступу

Лукашэнка сказаў, што пакараным за наркотыкі амністыі ня будзе


Ён сказаў гэта падчас адказу на пытаньне дэпутата Васіля Чэкана з Гомельшчыны.

Дэпутат Васіль Чэкан ад Гомельшчыны пацікавіўся, ці ўхваляе Лукашэнка магчымасьць амністыі асуджаным паводле «антынаркатычнага артыкулу» № 328?

«За наркотыкі — ніякай амністыі. Нарката — гэта страх, бяда, трагедыя. Ужо не кажу пра генафонд — хто народзіцца і каму потым даглядаць? Аб спажыўцах яшчэ можна вырашаць пэрсанальна, але хто вырабіў і распаўсюдзіў — адназначна ў турму», — падсумаваў ён.

Амністыі для асуджаных паводле наркатычных артыкулаў патрабуе рух «Маці-328». Актывісткі руху, дзеці якіх адбываюць пакараньне за наркотыкі, некалькі разоў арганізоўвалі мітынгі каля парлямэнту, каб да гэтай праблемы прыслухаліся.

Таксама яны бралі ўдзел у галадоўцы, патрабуючы перагляду антынаркатычнага заканадаўства. Праблема ў тым, што нават за маленькія порцыі наркатычных рэчываў людзям даюць вялікія турэмныя тэрміны.


На гэтым паседжаньне скончылася.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG