Найвышэйшая выбарчая камісія Турэччыны прызнала перамогу кандыдата ад апазіцыйнай Народна-рэспубліканскай партыі Экрэма Імамаглу на выбарах мэра Стамбулу. Пра гэта паведамляе турэцкае агенцтва Anadolu.
Урадавая Партыя справядлівасьці і разьвіцця прэзыдэнта Рэджэпа Эрдагана ўпершыню з 1994 году саступіла ўладу ў найбуйнейшым горадзе краіны.
Напярэдадні ўрадавая партыя падала хадайніцтва ў выбарчую камісію аб адмене вынікаў муніцыпальных выбараў з Стамбуле і іх паўторным правядзеньні. Прыхільнікі Эрдагана заяўлялі пра фальсыфікацыі падчас выбараў мэра.
Муніцыпальныя выбары ў Турцыі прайшлі 31 сакавіка. У іх узялі ўдзел каля 57 мільёнаў грамадзян. На выбарах мэра Стамбулу Экрэм Імамаглу на некалькі тысяч галасоў абышоў кандыдата ад кіруючай партыі Біналі Йылдырыма. У сталіцы Турэччыны — Анкары — таксама перамог кандыдат ад апазыцыі, Мансур Яваш.
