У расейскім горадзе Цюмені з 700 тысячамі жыхароў сілавікі падчас перастрэлкі забілі меркаваных прыхільнікаў групоўкі «Ісламская дзяржава». Пра гэта паведамілі «Інтэрфакс» і ТАСС з спасылкай на свае крыніцы.
Колькасьць забітых удакладняецца.
Паводле СМІ, падазраваныя чынілі ўзброены супраціў. У адным з дамоў на месцы правядзеньня апэрацыі ўсчаўся пажар.
Некалькі гарадзкіх вуліц адключылі ад электрычнасьці, а жыхароў дамоў эвакуявалі.
У Цюмені ўвялі рэжым контратэрарыстычнай апэрацыі. Паводле Фэдэральнай службы бясьпекі Расеі, 12 красавіка зьявілася інафармацыя, што ў адным з прыватных дамоў знаходзяцца ўзброеныя прыхільнікі групоўкі «Ісламскай дзяржавы».
У ФСБ сьцьвярджаюць, што яны плянавалі ўчыніць тэракт.
У сацыяльных сетках публікавалі фатаграфіі з паліцэйскімі машынамі і бранятэхнікай.
Зьявіліся відэазапісы, на якіх чуваць страляніна.
