Лінкі ўнівэрсальнага доступу

«Калі ставілі крыжы, нас ніхто не пытаўся», — улады пра знос крыжоў у Курапатах 


Дэмантаж крыжоў у мэмарыяльным комплексе Курапаты

Ад раніцы 4 красавіка ў Курапатах працуе тэхніка — прыбіраюць крыжы, пастаўленыя ва ўрочышчы грамадзкімі актывістамі і нашчадкамі ахвяраў сталінізму.

На просьбу Свабоды патлумачыць прычыны, чаму ўзьнікла такая неабходнасьць, у дзяржаўных ведамствах збольшага адмоўчваюцца.

Дырэктар Бараўлянскага спэцыяльнага лясгасу Аляксандар Мірановіч адмовіўся камэнтаваць Свабодзе, хто даў загад на такія дзеяньні, і параіў зьвярнуцца ў прэс-службу Міністэрства лясной гаспадаркі.

У сваю чаргу прадстаўніца гэтага ведамства Настасься Дакучаева спаслалася на тое, што тэма «спэцыфічная», і сказала, што неабходна накіраваць адмысловы запыт на імя кіраўніцтва міністэрства.

Знос крыжоў у Курапатах
Знос крыжоў у Курапатах

Намесьніца начальніка ўпраўленьня аховы гісторыка-культурнай спадчыны Міністэрства культуры Натальля Хвір сказала, што яна не абазнаная, што адбываецца ў Курапатах. Па яе словах, у кожнай гісторыка-культурнай каштоўнасьці ёсьць уласьнік, які адказвае за аб’ект — у гэтым выпадку менскія аблвыканкам і райвыканкам. І зазначыла: калі на тэрыторыі Курапатаў ставіліся крыжы, ніхто ў ні ў кога не пытаўся, ці можна гэта рабіць.

Супрацоўніца аддзелу ідэалёгіі, культуры, спорту і працы з моладзьзю Менскага райвыканкаму паведаміла, што ўсё кіраўніцтва знаходзіцца на тэрміновай нарадзе, а пасьля, хутчэй за ўсё, паедзе ў Курапаты.

Прэсавая сакратарка Аляксандра Лукашэнкі Натальля Эйсмант для камэнтароў пакуль недаступная.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG