Грамадзкі рух «Адкрытая Расея» вырашыў самаліквідавацца. Такое рашэньне было прынята для абароны актывістаў, распавяла прэс-сакратарка арганізацыі Натальля Гразьневіч «Інтэрфаксу».
«Рух „Адкрытая Расея“ «ліквідаваны па рашэньні канфэрэнцыі. Нягледзячы на тое, што перасьлед актывістаў незаконны, і мы працягваем на гэтым настойваць ва ўсіх інстанцыях, мы прынялі рашэньне, што бясьпека людзей для нас важнейшая», — сказала яна.
За апошнія два гады супраць актывістаў «Адкрытай Расеі» былі распачатыя некалькі дзясяткаў адміністрацыйных справаў па артыкуле аб удзеле ў «непажаданай арганізацыі».
Устаноўчая канфэрэнцыя руху прайшла ў Хэльсынкі ў лістападзе 2016 года. Старшынёй руху тады быў абраны Міхаіл Хадаркоўскі. У 2018 году рух узначаліў пецярбурскі актывіст Андрэй Півавараў.
З 2017 гады брытанская арганізацыя Otkrytaya Rossia лічыцца непажаданай у Расеі. У сваю чаргу расейская «Адкрытая Расея» адмаўляе хоць бы якую юрыдычную сувязь з арганізацыяй у Вялікабрытаніі.