Інваліднасьць і бар'еры. Як з вазком дабрацца да дзяржаўнай установы

Мянчук Пётар Быкаў працягвае змаганьне за рэабілітацыю свайго брата, які загінуў у вайну як герой, але ўладамі лічыцца «здраднікам».

Каб прысутнічаць на судовым паседжаньні, дзе абскарджвалася папярэдняе рашэньне суду, ён пераадолеў 4 паверхі свайго дому. Сацыяльнае таксоўка не прыехала і Пётра Быкава адвёз у суд стрыечны ўнук — на непрыстасаванай для перавозкі цяжкахворых людзей машыне.